_ عارف يا بومبا ..كلنا هنعدي السنة دي لو جابو امتحان ف مستوى الطالب اللي ف نيته يخلص المنهج كله؟
= لو ..بقا يا تيمون
الثلاثاء، 24 مايو 2016
الخميس، 19 مايو 2016
تيمون وبومبا ومصيبه كسر النيش
" مصيبه كسر النيش "
= تيمون .. انا عملت مصيبه كبيره
_ تاني يا بومبا .. انت مش هتخلص بمصايبك
= تيمون .. هتوقف جنبي يا صديقي الصدوق ولا هتألش عليا
_ بومبا !!.. هو انت عندك حد غيري يلحقك في مصايبك ؟!..
= لا يا صديقي الصدوق
_ طيب قولي عملت ايه ؟!..
ايه المصيبة الجديده اللي عملتها
= تيموووون ... تيموووووون ....
_ يا نعم يا بومبا .. قول وخلصني عملت ايه ؟!
= بص !.
_ بصيت يا بومبا .. وبعدين
= تيمون .. انا كسرت النيش بتاع ماما ..
_ ينهارك اسود ... بتقول كسرت ايه ياروح امك!
= تيمون .. زي ما بقولك انا كسرت النيش بتاع امي
_ ده انت هتتكسر رقبتك انهارده يا بومبا ..
= ليه يعني يا تيمون ؟!
_ هو انت متعرفش ان النيش ده الحاجه المقدسه عند الامهات ولا ايه !
= عارف يا تيمون !
_ طيب بدام عارف .. تقرب نحيته ليه ؟!
ده بتكون المنطقه محظوره علي بعد 10 متر منه
= تيمون .. لازم نلاقي حل ؟! .. ماما بره بتجيب تموين الاسبوع من الحشرات .. لازم نحل المشكلة دي قبل ما ترجع ؟!
_ بومبا انت كسرت ايه في النيش بالظبط
= انا كسرت الصيني والكاسات والالماظات وفناجين عصير الحشرات السخنه .. واطباق الغابه المحروقه
_ يا نهارك اسود يا بومبا !
= تيمون .. هتساعدني .. ولا اجهز نفسي ..واتشاهد علي روحي قبل ما امي ترجع
_ انا هساعدك وامري لله يا سي بومبا
= تفتكر ايه الحل للمشكلة دي يا تيمون !؟
_ بسيطة يا بومبا .. هنخترع كدبه تدخل دماغها !
= بس ماما استحاله هتصدقنا يا تيمون !
_ بومبا .. انا افكاري الجهنميه ملهاش حل وانت عارف
= ايوة عارف يا تيمون
_ بص يا بومبا .. احنا هنقولها ان القطه كانت بتجري ورا فار والفار دخل النيش والقطه جريت وراه وكسرت كل اللي في النيش
= بس يا تيمون مفيش قطط وفئران في الغابه بتاعتنا
_ طيب يا بومبا .. هفكر في فكرة تانيه ؟!
= بسرعه يا تيمون احسن ماما علي وصول
_ وجدتها يا بومبا
= هااا يا تيمون الحقني بفكرتك .. انقذ رقبتي من الكسر
_ بص يا بومبا .. احنا هنلزق كل المتكسر .. وهنحطه في مكانه في النيش .. ونربط كل حاجة متكسره بخيط .. ونربطه في الاوكرة بتاعت النيش .. ونطلب من امك تعمل لنا عصير حشرات ونشربه في كاس من اللي في النيش .. وهي اول ما تيجي تفتحه الخيط هيجر كل حاجه ويوقعها وتتكسر بس هتكون هي اللي كسرتها
= الله .. دي فكرة حلوة يا تيمون !
_ طيب يلا بسرعه ننفذها
= تيمون بسرعه ... امي علي وصول
_ بس تماام خلصنا .. كل حاجه معموله زي اللي في الخطة بالظبط
= تيمون ماما علي الباب .. اعمل نفسك بتهزر معايا
_ خالتو بومبايه .. عامله ايه
# كويسه يا تيمون .. امك عامله ايه
_ بتسلم عليكي
_ خالتو بومبايه ممكن تعملي لينا عصير حشرات سخن ونشربه في كاس من اللي في النيش
# عيوني يابن تيمونه ..
_ خالتوو انا مبحبش حد يندهني باسم امي
# بطل لماضه يااد يا تيمون .. وانت يا زفت بومبا هات كاسات اللي في النيش
= ماما ....ااصلللل اااصلللل ...صلللل
# مالك ياواد ملبوخ كده ! روح يازفت هاتهم احط فيهم العصير
= حاضر ...
* بيفتح باب النيش طرااااااااخخخخخخخخخ*
# ايه صوت الدغدغه اللي عندك ده ياواد يا بومبا
= اصل القطه كانت بتجري ورا فار وراحت عند النيش وكسرته يا ماما
_ بومبا .. اتفقنا ان مفيش قطط في الغابه
= اجري يا تيموووووووووووووووون .....
الأربعاء، 18 مايو 2016
* الامتحانات الهاكونا ماتاتا *....
= تيمون هنعمل ايه في الامتحانات ؟؟
_ بومبا انت هتسال السؤال ده كل سنة
= طيب ... يا صديقي الصدوق .. بس مقولتش هنعمل ايه يا تيمون؟؟
_ بومبا .. هنعمل زي كل سنة
= اللي هو ايه كل سنة يا تيمون ؟؟
_ يووووووووه .. تيمون يا صديقي .. هو احنا بنعمل ايه كل سنه يعني ؟؟
= مش فاكر يا تيمون .. ده انا مش فاكر انا اتعشيت ايه امبارح
_ بص يا بومبا .. هنذاكر ليله الامتحانات ..فهمت ؟
= طيب تفتكر هنقدر نلم المنهج يا تيمون ؟؟
_ طبعاا يا بومبا .. دي مش محتاجة سؤال يعني
= تيمون ؟؟
_ في ايه تاني يا بومبا ؟؟
= طيب لو جة سؤال مش مذاكرينه هنعمل ايه ؟؟
_ برده زي كل سنة .. يا بومبا
= وهو ايه اللي بنعملة كل سنة يا تيمون ؟؟
_ بومبا .. روح كل .. انت مخك واقف .. اكيد ما اكلتش حشراتك اللذيذة
= قول يا تيمون وبطل هزار الفاينال قرب ومفتحناش كتاب
_ بومبا ... لو جه سؤال مش مذاكره حله بطريقة "الهاكونا ماتاتا ".. فاهم ؟
= مش فاهم يا تيمون
_ الهاكونا ماتاتا .. يعني الف الاجابه يا بومبا
= اااه .. فهمت
_ طيب .. يلا نذاكر يا بومبا علشان ترتاح
= نذاكر ايه ؟؟... لا يا تيمون انا جعان وهنام .. وابدا مذاكرة من بكره
_ ايووووة كده ... هو ده بومبا اللي انا اعرفه
الاشتراك في:
الرسائل (Atom)